இந்திய ரயில்வே, நாட்டின் முதல் வந்தே பாரத் ஸ்லீப்பர் ரயில்களை அறிமுகப்படுத்த தயாராக உள்ளது. இந்த புதிய அரை அதிவேக ரயில், உதம்பூர்-ஸ்ரீநகர்-பாரமுல்லா ரயில் இணைப்பில் (USBRL) இயக்கப்படவுள்ளது மற்றும் ஸ்ரீநகரத்தையும் புதுதில்லியையும் இணைக்கும். BEML தயாரித்த வந்தே பாரத் ஸ்லீப்பர் ரயில், நீண்ட தூர பயணங்களையும் இரவுநேர பயணங்களையும் எளிதில் மேற்கொள்ளும் வகையில் வடிவமைக்கப்பட்டுள்ளது. செப்டம்பர் 2024ல், ரயில்வே அமைச்சர் அஷ்வினி வைஷ்ணவ் இந்த ரயிலின் முன்னோடியை வெளியிட்டார்.
ஒரு மூத்த ரயில்வே அதிகாரி ETNOW.in-க்கு அக்டோபரில் தெரிவித்ததாவது, முதல் வந்தே பாரத் ஸ்லீப்பர் ரயில் செட் ஜம்மு மற்றும் காஷ்மீரின் தலைநகரை தேசிய தலைநகரத்துடன் இணைக்கும். மேலும், ரயில் பாரமுல்லாவரை விரிவாக்கப்படும் எனவும் அவர் கூறினார்.
புதுதில்லி – ஸ்ரீநகர் வந்தே பாரத் ஸ்லீப்பர்:
துவக்க தேதிஅடுத்த ஆண்டு, பிரதமர் நரேந்திர மோடி புதுதில்லி முதல் ஸ்ரீநகர் வரை வந்தே பாரத் ஸ்லீப்பர் ரயிலை அதிகாரபூர்வமாக தொடங்குவார். வணிக ரீதியாக ஜனவரி 2025ல் சேவை தொடங்கும் என எதிர்பார்க்கப்படுகிறது, தற்போது டிரயல் இயக்கங்கள் நடைபெற்று வருகின்றன.
புதுதில்லி – ஸ்ரீநகர் வந்தே பாரத் ஸ்லீப்பர்:
தூரமும் பயண நேரமும் புதுதில்லி முதல் ஸ்ரீநகர் வரை சுமார் 800 கிலோமீட்டரை குறைந்தது 13 மணிநேரத்தில் வந்தே பாரத் ஸ்லீப்பர் ரயில் கடந்து செல்லும். தற்போது இவை இரண்டு இடங்களுக்கு நேரடி ரயில் சேவைகள் இல்லை. இந்த ரயிலின் அறிமுகத்துடன் காஷ்மீர் பள்ளத்தாக்கையும் புதுதில்லியையும் இணைக்கும் முதல் நேரடி ரயில் இணைப்பு உருவாகும்.
புதுதில்லி-ஸ்ரீநகர்-புதுதில்லி வந்தே பாரத் ஸ்லீப்பர்:
பெட்டிகள் மற்றும் டிக்கெட் விலை வந்தே பாரத் ஸ்லீப்பர் ரயிலில் 11 AC 3-டயர் பெட்டிகள், 4 AC 2-டயர் பெட்டிகள் மற்றும் 1 முதல் AC பெட்டி இருக்கும். டிக்கெட் விலை AC 3-டயருக்கு சுமார் ₹2000, AC 2-டயருக்கு ₹2500, மற்றும் முதல் ACக்கு ₹3000 இருக்கும் என எதிர்பார்க்கப்படுகிறது.
புதுதில்லி-ஸ்ரீநகர்-புதுதில்லி வந்தே பாரத் ஸ்லீப்பர்:
நேரம் மற்றும் நிற்கும் இடங்கள் வந்தே பாரத் ஸ்லீப்பர் ரயில் புதுதில்லியிலிருந்து மாலை 7:00 மணிக்கு புறப்பட்டு, ஸ்ரீநகரை காலை 8:00 மணிக்கு அடையும். வழித்தடத்தில் முக்கியமான சில இடங்கள்: அம்பாலா காந்த் ஜங்ஷன், லூதியானா ஜங்ஷன், கதுவா, ஜம்மு தவாய், ஸ்ரீ மாதா வைஷ்ணோ தேவி கட்ட்ரா, சங்கல்டான் மற்றும் பனிஹால் ஆகிய இடங்கலில் இரயில் நிருதப்படும்.
